मराठा समाजातील तरूणांना अण्णासाहेब पाटील आर्थिक विकास महामंडळाच्या योजनेची कर्जमर्यादा १० लाखावरुन १५ लाख

बीड-अण्णासाहेब पाटील आर्थिक मागास विकास महामंडळामार्फत मराठा समाजातील व्यक्तींना व्यवसाय करण्यासाठी वैयक्तिक कर्ज व्याज परतावा योजना राबविण्यात येते.या योजनेअंतर्गत कर्ज मर्यादेत 10 लाखावरुन वाढ करुन 15 लाख करण्याचा निर्णय घेण्यात आला आहे. कर्ज मर्यादा वाढविल्यामुळे लाभार्थीना कर्जाच्या हप्त्यांमध्ये सुलभता राहावी म्हणून कर्ज परताव्याचा कालावधी सुद्धा 5 वर्षावरुन 7 वर्षापर्यंत वाढविण्याचा निर्णय घेण्यात आला आहे.
उच्च व तंत्र शिक्षण मंत्री तथा मराठा समाजाच्या सामाजिक,आर्थिक,शैक्षणिक विकासासोबतच मराठा आरक्षण आणि सुविधांसाठी गठित केलेल्या मंत्रीमंडळ उपसमितीचे अध्यक्ष चंद्रकांत पाटील यांनी माहिती दिली.